Radio Himilo
Himilo FM – Gerard Pique ayaa sheegay in kooxda Barcelona u baahan tahay inay sii heysto tababare Ernesto Valverde.
Valverde ayaa kooxda kula guuleystay laba koob oo kala ah La Liga iyo Copa del Rey intii lagu guda jiray xilli ciyaareedkiisii ugu horreeyay ee Barcelona.
Xaqiiqdii, Axaddii naadiga ayaa 2-1 kaga badisay Getafe waxayna 5 dhibcood oo nadiif ah ku qabatay hoggaanka La Liga, halka ay marayaan wareegga labaad ee Champions League iyo Copa del Rey.
Si kastaba ha ahaatee, heshiiska qandaraaska ee naadiga uu kula jiro ayaa dhacaya dhammaadka xilli ciyaareedka soo socda iyada oo labada dhinac ay doonayaan in la is afgarto.
Valverde ayaa qiray toddobaadkii hore in uusan ogeyn inuu maamuli doono kooxda xilli ciyaareedka soo socda laakiin Pique ayaa rajeynaya inuu yahay mid ku habboon naadiga.
“Waa go’aan haddii uu sameeyo, waan xushmeyn doonaa, maxaa yeelay waa tababare” ayuu Pique u sheegay suxufiyiinta.
“Waan ku faraxsanaan laheyn haddii uu go’aansado in uu sii wado ka shaqeynta kooxda.”
Kooxda Barcelona ayaa wajihi doonta Levante lugta hore ee wareegga 16ka Copa del Rey ee habeenka Khamiista.
