Radio Himilo
Himilo – Mauricio Pochettino ayaa noqon kara tababaraha xiga ee Manchester City haddii Pep Guardiola ka tago kooxda.
Shaki badan ayaa ku hareereysan mustaqbalka Guardiola kaddib markii si niyad jab leh ay kooxdiisa uga hartay tartanka Champions League.
49 jirka ayaa heysta qandaraas muddadiisa ka yartahay sannad isaga oo aan kooxda wali kala hadlin heshiis cusub.
Sida laga soo xigtay The Sun, City ayaa dooneysa in Guardiola uu sii joogo kooxda illaa dhammaadka xilli cayaareedka.
Pochettino, oo aan heyn wax shaqo ah tan iyo markii uu ka tagay Tottenham bishii November ayaa loo arkaa in uu yahay beddalka Guardiola.
Si kasta, madaxii hore ee Spurs ayaa sidoo kale kamid ah liiska tababarayaasha ay bartilmaameysaneyso Barcelona.
