Radio Himilo
Himilo – Qaramada Midoobay ayaa sheegtay in in ka badan hal milyan oo qof oo ku nool Marinka Gaza ay weli si aad ah ugu baahan yihiin hoy, inkasta oo horumar laga sameeyay gaarsiinta raashinka toddobaadyadii u dambeeyay.
Afhayeenka Qaramada Midoobay Stéphane Dujarric, oo la hadlay warbaahinta, ayaa sheegay in deeqaha gargaarka ee ugu dambeeyay ay markii ugu horreysay tan iyo 2023 daboolayaan heerka ugu yar ee nafaqo ee ay u baahan tahay bulshada Gaza.
Dujarric ayaa intaa ku daray in in ka badan 10,000 tan oo mitrik ah oo gargaar ah la gaarsiiyay Gaza toddobaadkii la soo dhaafay, kuwaas oo isugu jiray cunto, qalabka karinta, quudinta xoolaha, agabka nadaafadda, dharka jiilaalka iyo bustayaal.
Marinka Gaza ayaa weli wajahaya caqabad weyn oo dhanka hoyga iyo raashinka ah, iyadoo boqolaal kun oo qoysas ah ay saameeyeen xiisadda bani’aadamnimo ee daba dheeraatay, taas oo ka dhalatay dagaalka Israa’iil ee billowday laba sano ka hor, kana dhaliyay in ka badan 70,000 oo Falastiiniyiin ah.
