Radio Himilo
Himilo- Kooxda ka ciyaarta Horyaalka Shiinaha ee Shanghai Shenhua ayaa lagu soo waramayaa inay dib u soo nooleysay xiisihii ay u qabtay saxiixa Gareth Bale oo ay kala soo wareegaan Real Madrid ka hor suuqa kala iibsiga ee xagaaga soo aadan.
Xiddiga reer Wales, oo xiriir xun kala dhexeeya macalinka Real Zinedine Zidane, ayaa yimid waqtiyo yar markii uu dhameystirayay u dhaqaaqista Jiangsu Suning xagaagii, kaliya heshiiska ayaa burburay saacadii ugu danbeysay.
Ka dib markii laga saaray kooxda ka hor kulankii barbaraha 2-2 ay la galeen Club Brugge, Bale wuxuu go’aansaday inuu ka tago Bernabeu mustaqbalka dhow.
Sida laga soo xigtay Marca, xaalada Bale ee Madrid ayaa mar kale soo jiidatay xiisaha Shiinaha, iyadoo Shanghai ay meesha ka saareyso xiisihii ay ka qabeen dalabka 30 jir ka bishii July.
Sababo la xiriira da’da Bale iyo mushaharka sannadlaha ah oo gaaraya 14.7 milyan ginni, waxay u badan tahay in horyaalka Chinese Super League uu noqon doono meeshiisii ugu dambeysay.
Warar soo baxayay ayaa sheegayay in Bale uu London kula kulmay wakiilkiisa Jonathan Barnett isbuucaan si ay wadahadalo uga yeeshaan mustaqbalkiisa.
