Home / Habka-Nolosha / Wararka ugu waa-weyn suuqa kala iibsiga ciyaartooyda ka ciyaara horyaalada Premier League, La Liga, Serie A, the Bundesliga iyo Ligue one -ka

Wararka ugu waa-weyn suuqa kala iibsiga ciyaartooyda ka ciyaara horyaalada Premier League, La Liga, Serie A, the Bundesliga iyo Ligue one -ka

Barcelona: Daafaca kooxda Barcelona ee  Jordi Alba ayaa ka hadlay suurta galnimada uu uga taki karo kooxda  reer Spain ee  Barcelona uguna biiri karo Premier League, isaga oo dookha koobaad ka dhiganaya kooxda Old Trafford  sida uu warinayo  AS.

Daafacaan-2012kii  ku guulaystay koobkii qaramada Yurub ayaana si dhow loola xariirinayaa  kooxaha  Chelsea iyo Manchester United.

Manchester United: Tababaraha kooxda Manchester United Jose Mourinho ayaa qorsheynaya inuu £72 milyan  uu ugu dhaqaaqo  laacibiinta kooxda  Monaco ee Tiemoue Bakayoko, Djibril Sidibe iyo Benjamin Mendy, sida ay qortay The Sun.

Tababaraha Red Devils ayaa la rajeynayaa in la siiyo £250m si uu ugu soo qaato  xagaagan laacibkii uu u arko in uu ka mid noqon karo kooxda  Old Trafford ka dhisan ee Manchester United .

Chalsea: Labada ciyaaryahan ee  Eden Hazard iyo Diego Costa ayaa ku dhow in ay ka tagaan kooxda Chelsea xagaagan, sida ay qortay The Sun.

Real Madrid ayaa sii kordheysay xiisaha ay u qabto Eden Hazard ayada oo ku kalsoon  in ay £100 milyan kula soo wareegi karto  Hazard  halka Costa uu doonayo inuu ka tago England isaga oo qarka u saaran inuu ku biiro kooxaha ka dhisan horyaalka Chinese Super League.

Manchester City: Manchester City ayaa ku dhow inay dalab u dirto daafaca kooxda Monaco Benjamin Mendy, sida laga soo xigtay France Football.

Pep Guardiola ayaa doonaya inuu khadkiisa daafaca ka xoojiyo xilli ciyaareedka soo socda isaga oo hami weyn ka leh  in uu  dhameystirto heshiiska si dhaqso leh.

Bayern Munich: kooxda Bayern Munich ayaa wadahadalo la yeelatay xiddiga qadka dhexe ee kooxda Guangzhou Evergrande ,Paulinho, sida laga soo xigtay RMC.

Ciyaaryahanka reer Brazil ayaa ku jira qaab ciyaareed wanaagsan xagaaygaan, Carlo Ancelotti ayaana la dhacay qaab ciyaareedka  laacibkii  hore ee Tottenham Paulinho.

Manchester City: Ciyaaryahanka garabka uga ciyaara Crystal Palace  ee Wilfred Zaha ayaa ah dooqa koobaad ee  Manchester City suuqa kala iibsiga xagaagan, sida ay qortay The Sun.

Pep Guardiola ayaa la dhacay qaab ciyaareedka laacibka reer  Ivory Coast isaga oo dagaal la gali doona kooxda  Tottenham si uu u helo adeega laacibkaan.

About radio himilo

error: Copy lama Ogola Fadlan