Himilo- Wolverhampton Wanderers ayaa u aqoonsatay ciyaaryahanka qadka dhexe ee kooxda Atlanta BC Dejan Kulusevski inuu yahay mid macquul ah bisha Janaayo.
Bishii hore, gudoomiye Jeff Shiff wuxuu cadeeyay in Wolves ay diyaar u tahay inay lacag ku qarash gareyso ciyaartoy cusub bartamaha ololaha, hadii Nuno Espirito Santo uu rajeynayo inuu xoojiyo kooxdiisa.
Sida laga soo xigtay Tuttomercatoweb, kooxda Premier League ka dhisan ayaa ka fiirsaneysa inay dalab ka gudbiso Kulusevski, kaasoo haatan qaab cajiib ah ugu soo bandhigaya kooxda uu amaahda ku joogo ee Parma.
19 jirkan ayaa durbaba kudarsaday labo gool iyo shan caawinaad xagaagan Serie A, taasoo u muuqata inay Wolves u diyaar garowday inay 15 milyan oo Euro ku qarash gareyso ciyaaryahanka reer Sweden.
Si kastaba ha noqotee, waxaa la sheegaa in Atalanta kaliya ay ka fiirsan doonto iibka haddii ay helaan dalab ah 25 milyan euro (£ 21.58m), iyo wax lagu daro.
Arsenal ayaa sidoo kale lagu soo waramayaa inay isha ku heyso xaalada, inkastoo la sheegay in Gunners aysan diyaar u aheyn dalab deg deg ah oo ku aadan Kulusevski.