Himilo- Milkiilayaasha Wolverhampton Wanderers ayaa lagu soo waramayaa inay diyaar u yihiin inay u dagaallamaan sida ugu macquulsan ee ay ugu heystaan Nuno Espirito Santo Molineux.
Nuno wuxuu ka caawiyay Wolves inay ka bexdo Championship kana dhigo koox u tartameysa Yurub, halka ay sidoo kale haatan ku jiraan booska shanaad ee kala sarreynta Premier League.
Si kastaba guusha Portuguese-ka ayaa la sheegay inay keentay inay xiiso ka muujiso Arsenal, taasoo Unai Emery horaantii isbuucaan ceyrisay.
Sida laga soo xigtay Daily Mail, Fosun International waxay sameyn doontaa wax kasta oo ay awoodaan si ay uga dhaadhiciyaan Nuno inuu sii wado xirfadiisa maamul ee Molineux.
Inkastoo 45 jirka uu haatan qandaraaskiisa uga harsan yahay kaliya 18 bilood, Fosun ayay u badan tahay inuu ku faraxsan yahay inuu qandaraaska u dheereeyo haddii Nuno uu doonayo inuu kusii nagaado kooxda.
Warbixinta ayaa soo jeedineysa in kooxda ay sidoo kale ka baqeyso cawaaqibka ka dhalan kara ka tegitaankiisa Nuno, iyadoo tababarayaasha kale ee ku dhow ay hubaal tahay inay isaga u raacaan garoonka Emirates Stadium.
Sidoo kale Nuno, wakiilka sare Jorge Mendes ayaa sidoo kale matalaya dhowr xiddig oo Wolves ah, oo uu ku jiro Joao Moutinho oo kaliya qalinka ku duugay qandaraas cusub 7 maalmood ka hor.