Radio Himilo
Himilo – Sannad kasta, 15-ka Abriil waxaa looo dabbaaldeggaa Maalinta Fanka Adduunka, waxay gacan ka geystaa xuska nmaalintaan xoojinta xiriirka ka dhexeeya hal-abuurka farshaxanka iyo bulshada, dhiirigelinta wacyiga ee kala duwanaanshaha curinta fanka iyo muujinta ka qayb qaadashada horumarinta waarta.
Sidoo kale waa munaasabad lagu iftiiminayo barashada fanka ee dugsiyada, maaddaama dhaqanku uu waddada u xaari karo waxbarasho loo dhan yahay oo loo siman yahay.
Munaasabadan gaarka ah ayaa sanad walba la xusaa si loo qiro wax qabadyada fannaaniinta, iyadoo xoogga la saarayo muhiimada uu fanku u leeyahay nolosheenna. Sida magacaba ka muuqata, maalintan waxaa loo qoondeeyay horumarinta fanka iyo xorriyadda wax-abuurka.
Sanad kastaa mawduuc gaar ah ayaa loo qaataa Maalinta Fanka Adduunka ,si loo muujiyo dhinacyada kala duwan ee saamaynta fanku ku leeyahay bulshada.
Hal-kudhega sanadkan, waxaa loo qaatay “Beerta Ra’yiga: Ku Abuurista Bulshada Farshaxanka.”
Fikradda ka dambeysa Maalinta Farshaxanka Adduunka ayaa si rasmi ah loo fikiray Abriil 15, 2012, intii lagu jiray shirkii Golaha Guud ee Ururka Farshaxanka Caalamiga ah (IAA) ee magalada Guadalajara ee dalka Mexico.
Abriil 15 ayaa loo doortay in lagu sharfo fannaanka iyo farshaxanyahankii Talyaaniga ee Leonardo da Vinci oo dhashay maalintan 1452. Da Vinci ayaa sidoo kale lagu tilmaamay calaamad muujinaysa nabadda adduunka.
Wuxuu lahaa Hibooyin kala duwan sida sawir-qaade, farshaxan-yaqaan, qoraa, hal-abuure, falsafad iyo mufakir, waxa lugu tiriyaa tusaale hal-abuurnimo.
Dabaal-deggani ma uusan yeelanin heer caalami ah iyo ka-qaybgal firfircoon oo caalami ah ilaa laga soo gaaro kal-fadhigii 40-aad ee Shirweynaha Guud ee UNESCO ee sanadka 2019, markaasoo UNESCO ay ku dhiirigelisay qof walba inuu ka qayb qaato munaasabadaha caalamiga ah ee ka qaybgalka hawlaha fanka iyo hal-abuurka kala duwan sida doodo, shirar, aqoon-is-weydaarsiyo, munaasabado dhaqameed, bandhigyo, iyo bandhigyo.
Maalinta Fanka Adduunka waxaa la sameeyaa bandhigyo ay weheliyaan aqoon-is-weydaarsiyo, mashruucyo farshaxan oo dadweyne iyo muxaadarooyin ay barbar socdaan barnaamijyada bulshada oo ka dhaca qaaradaha kala duwan e dunida.
Dadku waxay si bilaash ah u galaan matxafyada inta lagu jiro xuska Maalinta Fanka Adduunka dugsiyaduna waxay qabanqaabiyaan tartamo faneed halka fanaaniintu ku soo dhaweeyaan xubnaha dadweynaha goobahooda shaqo.
Shaki kuma jiro in fanku uu hormuud u yahay hal-abuurka iyo kala duwanaanta dhaqameed ee dhammaan dadyowga adduunka, islamarkaana uu door muhiim ah ka ciyaaro wadaagista aqoonta iyo dhiirigelinta, wadahadalka. Iyo isdhexgalka bulshooyinka caalamka.
