Radio Himilo
Himilo – Liverpool ayaa dhawaan ku dhawaaqday in agaasimaha ciyaaraha Michael Edwards uu ka tagi doono kooxda dhamaadka xilli ciyaareedkan, ka dib toban sano oo uu joogay.
Edwards ayaa dad badan u arkaan inuu yahay maskaxdii ka dambeysay heshiisyada xiddigo ay ka mid yihiin Sadio Mane, Virgil van Dijk iyo Andy Robertson.
Intii uu Edwards maamulayay Liverpool waxa ay caado u noqotay in ay dib u soo ceshato lacago badan oo ay ku iibsatay ciyaartoydeeda.
Haddaba waxaanu halkan ku eegaynaa lix ciyaartoy oo sannadihii u dambeeyay ka tegay Anfield oo soo xareeyay in ka badan 100 milyan oo gini.
Rhian Brewster £23.4m
Brewster wuxuu ka tagay Anfield Oktoobar 2020, isagoo ku biiray kooxda Premier League ee Sheffield United.
Waxa uu keliya dhaliyay goolkiisii ugu horreeyay ee horyaalka ee Blades 6dii November – in ka badan hal sano ka dib markii uu noqday saxiixoodii ugu qaalisanaa abid.
Si kastaba ha ahaatee, weli waa 21 jir.
Jordon Ibe – £16.2m
Ibe waxaa lagala soo wareegay Wycombe 2011 isagoo jira 16. Faa’iido weyn ayay ka heleen markii laga iibiyay Bournemouth 2016, ka dib 58 kulan oo uu u saftay Liverpool.
Wuxuu ahaa saxiixii rikoorka ahaa ee Bournemouth waqtigaas.Ibe weli waa 25 jir laakiin waa koox la’aan ka dib markii uu ka tagay Derby County xagaagii.
Danny Ings – £22.5m
Ings wuxuu u dhaqaaqay Southampton xagaagii 2019, ka dib markii uu amaah ku qaatay xilli ciyaareedkii hore.
Waxa uu Liverpool kaga soo biiray Burnley adduun dhan 8 milyan ginni sanadii 2015 laakiin waxa uu u dhaliyay kaeliya seddex gool Reds isagoo la dhibtoonayay dhaawacyo joogto ah.
Waxa lagu xaddiday keliya 14 kulan oo horyaalka ah oo uu u saftay Liverpool ka hor inta uusan dib u helin qaab ciyaareedka Saints. Xagaagan mar kale ayuu u dhaqaaqay, isaga oo ka tagay Southampton kuna biiray Aston Villa.
Ryan Kent – £6.4m
Kent waxa uu ahaa mid aad loogu qiimeeyay dhalinyaradii Liverpool balse waxa uu weligiis sameeyay hal kulan oo heersare ah.
Taasi waxay ahayd kulan FA Cup ah, ka hor inta aan amaah lagu dirin shan jeer oo kala duwan. Wakhtigii ugu dambeeyay ee kuwan waxaa la socday Rangers, oo Kent si joogto ah u iibsatay 2019.
Tan iyo markaas waxa uu ku guuleystey Premiership-ka Scotland oo waxa uu ka mid noqday kooxda ka dhisan Ibrox.
Dominic Solanke – £19m
Solanke, sida Brewster, markii hore wuu dhibtoonayay ka dib ku biiritaankiisii Bournemouth ee 2019.
Waxay ku qaadatay 18 bilood oo buuxa ka hor inta uusan ka helin calaamadda shaqaalaha cusub. Nasiib darro se waa uu ka hortagi waayay in ay dib ugu laabtaan ololaha 2019-20
Waxa uu dhaliyay 15 gool xilli ciyaareedkii hore iyadoo Bournemouth ay gaartay isreebreebka, waxaana uu horay u heystay 14 tartammada oo dhan xilli ciyaareedkan isagoo eegaya inuu Cherries dib ugu soo celiyo Premier League.
Harry Wilson – £12.6m
Wilson waxa uu ka tagay Anfield xagaagii hore ka dib markii uu soo maray akadeemiyada Liverpool.
Shan jeer ayey amaah ku siisay kooxo, waxaana uu ku dhibtooday inuu soo bandhigo booskiisa kooxda koowaad.
Ka dib markii uu wacdaro ka dhigay Cardiff Championship xilli ciyaareedkii hore, Fulham ayaa hoos u dhacday, Wilson ayaana ahaa bedelkii ugu qaalisanaa EFL xagaagii hore.
Ilaa hadda waxa uu sameynayaa intii karaankiisa ah, iyadoo kooxda Marco Silva ay kaalinta labaad kaga jirto Championship-ka.
W/Q: Hanaa Maxamed Maxamuud
