Radio Himilo
Himilo -Manchester City ayaa lagu soo waramayaa inay beenisay iibinta xiddiga garabka ugu ciyaara Leroy Sane kaasi oo uu xiiso kaga imaanayo naadiga Bayern Munich.
Xiddiga qaranka Germany ayaa heshiiskiisa waxaa ka haray laba sanno, Bayern ayaana isha ku heysa laacibkan 23 jirka ah si ay beddel ugu dhigaan Franck Ribery iyo Arjen Robben.
Waxaa sidoo kale lasoo jeedinayay in Bayern ay qorshayneyso in adeeggiisa ay qeyb kaga dhigto David Alaba.
Ilo ku dhaw kooxda Man City ayaa The Mirror u xaqiijiyey “Ma jiraan wax wada xaajood oo aan la galnay Bayern kuna saabsan Sane, waxaan isaga kala hadleynaa wax ku saabsan heshiis cusub mana jiraan in la iibinayo.”
Sane ayaa 39 gool u dhaliyey kooxda kaddib markii uu ciyaaray 133 kulan dhammaan tartamada oo uu u ciyaaray kooxda Man City.
