Juventus iyo AC Milan oo ku dagaalamaya laacib ka tirsan PSV Eindhoven

Himilo – Kooxaha ka dhisan horyaalka Serie A  ee  Juventus iyo AC Milan ayaa wadajir u xiiseynaya  PSV Eindhoven weeraryahankeeda  Donyell Malen.

Sida uu ku warramayo warsidaha Italy ee  Calciomercato, labada koox ee  Juventus iyo AC Milan ayaa bartilmaameed ka dhiganaya  laacibka qaranka Netherlands kaasi oo ay tayadiisu tahay mid sarreysa.

Malen ayaa wakhti kusoo qaatay  Ajax iyo akadeemiyadda  Arsenal kahor inta uusan ku biirin PSV Eindhoven sannadkii  2017.  Waxa uu kulankiisii ugu horreeyay saftay sannadkii  2018, tan iyo markaa waxa uu ciyaaray  94 kulan dhammaan tartamada , weeraryahanka ayaana shabaqa gaarsiiyay 43 gool.

Kooxaha  AC Milan  iyo  Juventus  labaduba waxay doonayaan in xiddigan ay beddel ugu dhigaan laacibiinta Zlatan Ibrahimovic  iyo Cristiano Ronaldo oo da’ ahaan sarreeya.