Maxaad ka xasuusataa garoomada kubbadda cagta Ingiriiska ee ugu caansan kuwaas oo hadda baaba’ay

Himilo – Tobannaankii sano ee la soo dhaafay, kooxo badan oo kubbadda cagta Ingriiska ah ayaa u guuray garoomo cusub oo casri ah waxayna ka dhigeen guryahoodii hore kuwa shaqada ka luntay

Tani waxa ay keentay in garoomadii caanka ahaa ee kubada cagta ay gabaabsi noqdeen muddo sanado ah, taas oo ka dhigtay mid faaruq ah oo hadh u ah naftoodii hore.

Waxaa ka mid ah garoonka West Ham United ee Boleyn Ground oo ay ka tageen 2016 iyo Highbury, oo ahayd guriga Arsenal ilaa ay u soo guuraan Emirates Stadium 2006dii.

Sidaa darteed, waa kuwan siddeed ka mid ah garoommada kubbadda cagta Ingiriiska ee ugu caansan kuwaas oo hadda baaba’ay ka dib markii ay kiraystayaasha u guureen guryo cusub.

Boleyn Ground

Boleyn Ground wuxuu ahaa hoyga West Ham United in ka badan qarni ka dib markii ay dhistay kooxda 1904tii.

Hammers waxa ay ku ciyaarayeen garoonka ilaa dhamaadkii xilli ciyaareedkii 2015/16, markaasoo ay u soo guureen garoonka London Stadium oo loo dhisay Olombikada London 2012.

West Ham ayaa badisay ciyaartii ugu dambeysay ee ka dhacday garoonka, oo sidoo kale loo yaqaan Upton Park, iyagoo 3-2 ku garaacay Manchester United bishii May 2016.

Isla sanadkaas dabayaaqadiisa waxaa la dumiyay garoonkii Boleyn si loo sameeyo dhismo cusub oo dhulka ah.

Highbury

Arsenal ayaa ku ciyaartay kulankooda guriga garoonkooda caanka ah ee Highbury muddo 93 sano ah intii u dhaxaysay 1913 ilaa 2006 ka hor inta ayna u wareegin garoonka cusub ee Emirates Stadium.

Waxay ahaayeen kiraystayaasha kaliya ee abid dhulka ku nool waxayna ku guuleysteen seddex horyaal oo Premier League ah iyagoo ku ciyaarayay goonka, halka sidoo kale si joogto ah loogu isticmaali jiray semi-finalka FA Cup.

Sida West Ham, Gunners ayaa badisay kulankoodii ugu dambeeyay ee garoonkoodii hore iyadoo Thierry Henry uu seddexley ka dhaliyay kooxda Wigan Athletic oo ay 4-2 kaga badiyeen si ay ugu soo baxaan Champions League bishii May 2006.

Kadib markii ay Arsenal ka guurtay garoonka ayaa la dumiyay waxaana lagu bedelay dhismo la dego oo lagu magacaabo Highbury Square.

White Hart Lane

Garoonkii ugu dambeeyay ee liiskan lagu soo daro, Tottenham Hotspur ayaa kaliya banneysay White Hart Lane afar sano ka hor 2017 si ay u dumiyaan oo ay u dhistaan gurigooda cusub ee £1bilyan.

Markii hore waxaa la dhisay 1898-kii, White Hart Lane waxa uu ahaa garoonka Spurs in ka badan qarni wuxuuna ahaa mid ka mid ah garoomada kubbadda cagta Ingiriiska ee ugu caansan.

Naadigu waxay doorteen inay gurigooda cusub ka dhistaan isla goobtii garoonkoodii hore, waxayna ku dhejiyeen saqafka dushiisa mid ka mid ah Diiqadoodii caanka ahaa ee Spurs.

Ciyaartii ugu dambaysay ee lagu ciyaaray White Hart Lane waxa ay Spurs 2-1 ku garaacday Manchester United bishii May 2017.

Maine Road

Kahor inta aysan u soo dhaqaaqin Etihad, ama City of Manchester, Stadium 2003, kooxda heysata horyaalka Premier League ee Manchester City ayaa ku ciyaartay gurigeeda Maine Road.

City waxaa loogu yeeraa Maine Road gurigeeda muddo 80 sano ah waxayna lahayd baaxad wax yar ka badan 35,000 markii ay ka guureen iyada oo ay ugu wacan tahay tiro dib u habeyn ah oo lagu sameeyay inta ay nooshahay.

Maine Road waxa uu marti galiyay laba ciyaarood oo England ah iyo tiro semi-finalka FA Cupka ah marka lagu daro kulamadii City gurigooda.

Waxa kale oo  isticmaali jirtay kooxda ay xafiiltamaan ee Manchester United laba xilli oo u dhexeeyay 1945 ilaa 1949 iyo 1956 ilaa 1957.

Filbert Street

Waxaa si rasmi ah loogu yaqaanay City Business Stadiumintii lagu jiray qayb ka mid ah 1990-meeyadii, Leicester City waxay ku ciyaartay Filbert Street in ka badan 100 sano laga soo bilaabo 1891 ilaa 2002.

Guusha laga gaaray dabayaaqadii 1990-meeyadii, naadigu waxa ay dhalisay in dad badan soo xaadiraan waxana ay dareemeen baahida loo qabo in loo guuro goob ka weyn 22,000-kursi ee Filbert Street.

Natiijo ahaan, Foxes waxay iibiyeen gurigoodii hore si ay ugu guuraan meesha hadda loo yaqaan King Power Stadium 2002dii.

Filbert Street ayaa la dumiyay sanad ka dib, iyadoo laga dhisay goob hoy loogu talagalay ardayda jaamacadda.

The Dell

Kahor intaanay ku ciyaarin St Mary’s, guriga Southampton wuxuu ahaa Dell intii u dhaxaysay 1898 iyo 2001.

Garoonku wuxuu lahaa kaliya baaxad 15,200 oo taageere ah markii uu martigeliyay ciyaartiisii ugu dambeysay, laakiin wuxuu ahaa tiir-dhexaadka Premier League ilaa heerkan.

Dell waxa uu martigeliyay ciyaarteedii ugu dambaysay dhamaadkii xilli ciyaareedkii 2000/01 iyada oo Saints ay la ciyaartay Arsenal iyada oo halyeyga kooxda Matt Le Tissier uu dhaliyay gool soo daahay oo ay ku badiyeen 3-2.

Plough Lane

Kahor inta aysan AFC Wimbledon u guurin garoonkooda cusub ee Plough Lane bishii November 2020, waxaa ka soo wareegtay in ka badan labaatan sano tan iyo markii kooxda Wimbledon ee xirfadleyda ah ay ugu yeertay aagga guriga.

Wimbledon waxay ka tagtay Plough Lane 1991 si ay dhulka ula wadaagto Crystal Palace ee Selhurst Park gurigoodii horena waa la dumiyay todoba sano ka dib.

Taas ka hor, Wimbledon waxay ugu yeertay gurigeeda 79 sano ka dib markii ugu horeysay ee uu ku ciyaaro 1912.

Ka dib markii la aasaasay AFC Wimbledon 2002, naadiga cusub ayaa ku ciyaartay gurigooda Kingsmeadow ka dib markii ay iibsadeen garoonkii Kingstonian, ka hor inta aysan u guurin Plough Lane cusub sannadkii hore.

Roker Park

Sunderland waxay ku ciyaartay gurigeeda Roker Park qarni ka hor intaysan u dhaqaaqin Stadium of Light 1997-kii.

Waqtigii la xidhay, Roker Park waxa uu lahaa baaxad dhan 22,500 oo taageere laakiin waxa uu mar awooday in uu haysto in ka badan saddex jeer cadadan.

Intii lagu guda jiray xilli ciyaareedkii ugu dambeeyay ee ay ku ciyaareen Roker Park, Sunderland ayaa laga saaray horyaalka Premier League, hal sano uun ka dib markii loo soo dalacsiiyay heerka koowaad.

Marka laga soo tago kulamadii Sunderland, Roker Park waxa kale oo uu mari galiyay oo lagu ciyaaray afar kulan intii lagu jiray Koobkii Adduunka 1966kii.

W.Q: Hanaa Maxamed Maxamuud