Home / Cayaaro / Arsenal oo u soo bandhigtay Ruben Neves heshiis shan sano ah

Arsenal oo u soo bandhigtay Ruben Neves heshiis shan sano ah

Himilo – Arsenal ayaa u soo bandhigtay ciyaaryahanka khadka dhexe ee kooxda Wolverhampton Wanderers Ruben Neves qandaraas shan sano ah oo uu xagaaga ugu biirayo Emirates.

Gunners ayaa horay u macasalaameysay Matteo Guendouzi suuqa kala iibsiga ee haatan, halka Granit Xhaka loo maleynayo inuu qarka u saaran yahay inuu u dhaqaaqo Roma.

Natiija ahaan, Mikel Arteta ayaa loo maleynayaa inuu mudnaanta siinayo khad dhexe cusub xilli ciyaareedka soo socda, Gunners ayaana la filayaa inay ku dhowdahay saxiixa xiddiga Anderlecht ee Albert Sambi Lokonga.

Si kastaba, saxafiga Nicolo Schira ayaa sheegay in Arsenal iyo Wolves ay hadda wadahadalo kula jiraan heshiiska Neves, kooxda Arteta ayaa soo bandhigtay heshiis shan sano ah oo qandaraas ah madaama wadahadalada ay socdaan.

Wolves way awoodi kartaa inay kubad adag ku ciyaarto qandaraaska Neves oo aan dhamaan doonin ilaa iyo sanadka 2024, inkasta oo Manchester United ay sii wadayso xiisaha ay u qabto 24 jirkaan.

Neves wuxuu ku faanaa wadar ahaan 20 gool iyo 10 caawin 176 kulan oo uu u saftay Wolves, laakiin wuxuu kaliya 17 daqiiqo u ciyaaray xulkiisa Portugal Euro 2020.

About Ahmed Haaddi

error: Copy lama Ogola Fadlan