Radio Himilo
Weeraryahanka kooxda kubadda cagta Borussia Dortmund Pierre-Emerick Aubameyang ayaa aad ula dhacsan macallinkiisii hore Jurgen Klopp oo maallinta khamiista ay iska hor imaan doonaan.
Xilli cayaareed kale oo cajiib ah ayuu xiddigu iminka ku qaadanayaa gegada Signal Iduna Park, wiilka qaranka Gabon ayaana durba shabaqa cujiyay 23 gool, waana mid kamid ah weeraryahanada ugu halista badan xagaagan.
Aubameyang ayaase qirsan in macallin Klopp uu yahay ninkii guulaha isaga u horseeday xilli Khamiista soo aaddan Kooxda kubadda cagta Liverpool oo uu hogaaminayo Klopp ay afar dhammaadka Europea League Iduna Park kula dheeli doonaan Dortmund.
“Waa kulan adag xaqiiqdii, waxaan qorsheyneynaa in macallin Klopp aan tusno inaan shaqo adag qabanay.” Ayuu yiri Emerick.
Macallin Klopp iyo kooxdiisa Liverpool ayaana khamiista lugta koowaad ee afar dhammaadka Europe League u marti doona kooxda kubadda cagta Dortmund oo macallinka reer Jarmal uu waayo ku soo qaatay.
