Radio Himilo
Kooxda kubadda cagta Banaadir SC ayaa kulan xiiso badan la dheeshay dhigeeda Elman oo si weyn ay u xifiltamaan.
Qeybtii hore oo kulanka waxaa lagu kala baxay barbaro goolal la’aan ah hayeeshee qeybtii labaad bilowgeedii, daqiiqaddii lixaadba waxaa Banaadir SC hogaanka u dhiibay C/risaaq Cali Maxamed.
Cayaarta oo u muuqato gebagebo iyo inay guul la hoyaneyso Banaadir SC waxaa gool ka soo barbareeyay cayaarta oo waqtiga dheeriga uu socdo kabtanka Elman Xasan Cali Rooble Babaay.
Elman ayaa labo cayaartoy kaarka casaanka looga taagay waxayna kala ahaayeen daafacooda Maxamed Cali Shiine iyo Yuusuf Maxamed Diiriye Sanyuura oo cayaarta oo dhamaatay kaarka cas la siiyay markii uu sameeyay aflagaado garsoore.
