Muqdisho – Krzysztof Piatek ayaa noqday laacibkii ugu horeeyay tan iyo Gabriel Batistuta ee gool dhaliya todobadiisa kulan ee ugu horeeya ee Serie xilli ciyaareed.Laacibka qaranka Poland ayaa Genoa kaga soo biirey naadiga Cracovia bishii June.
Piatek ayaa guud ahaan horyaalka Seria A ka diiwan gashaday sagaal gool, kaddib markii uu ciyaarey todobo kulan,waana xiddiga ugu goolasha badan horyaalkaan.
Jookarka Portugal Cristiano Ronaldo ayaa afar gool ka dhaliyey horyaalka, halka laacibka naadiga Napoli ee Lorenzo Insigne uu shan gool shabaqa ku beegsaday, xilli ciyaartoydii loogu bartay hoggaanka gooldhalinta Serie A Mauro Icardi and Gonzalo Higuain midna uu dhaliyey 1 midka kalena uu labo mar shabaqa gaaray.
Laacibkaan ayaa sidoo kale naf-saddiisa ku qancinaya in uu soo faagay taariikh horey u duugneyd, taasi oo ku qotonta keyd uu abuuray laacibkii Argentina Batistuta sanaddii 1994-95.
Piatek ayaa si aan qarsi laheyn loola xiriirinayaa in uu u hadaafayo mid kamid ah kooxaha ciyaaraya tartanka Champions league, waxaana hogaamineysa naadiga Barcelona.
