Radio Himilo
Himilo- Kooxda Man City ayaa sumadaysatay macalinka Leicester City Brendan Rodgers in uu yahay ninka ku haboon ee ka badalaya Pep Guardiola garoonka Etihad Stadium.
mustaqbalka fog ee Guardiola ayaa sii kordhayay maalmihii la soo dhaafay iyadoo ay jiraan warar sheegaya in ninka reer Spain uu qandaraaskiisa haatan dhacayo, warar xan ah oo nafsadahaantiisa uu Guardiola si dhaqso ah u beeniyay.
Si kastaba, Daily Mail ayaa qortay in Man City ay sameyneyso qorsheyaal isdaba joog ah haddii ay dhacdo in Guardiola uu soo afjaro mustaqbalkiisa guulaha leh ee kooxda, iyadoo Rodgers uu ugu sareeyo liiskooda.
Ninka reer waqooyiga Irish, ayaa Leicester u horseeday inay kaalinta labaad ka gasho xilli ciyaareedkaan, oo ay ka sare martay kooxda heysata Guardiola ka dib 17 kulan oo ololahan dheeleen.
Maamulka Man City ayaa la dhacsan shaqada Rodgers waxayna u arkaan inuu yahay horjooge bedeli kara Guardiola, kaasoo qandaraaskiisa haatan uu dhacayo 2021.
Warbixinta ayaa sheegeysa in kaaliyaha Guardiola Mikel Arteta iyo tababarihii hore ee Tottenham Hotspur Mauricio Pochettino ay sidoo kale ku jiraan liiska xulashooyinka noqon karaan kuwa bedeli kara.
