Himilo -Arsenal ayaa la soo warinayaa in loo sheegay inaysan awoodin inay kula soo wareegaan daafaca Celtic Kieran Tierney wax ka yar 25 milyan oo ginni.
Daafaca buuxa, oo ka yimid akadeemiga kooxda ayaa u saftay 170 kulan, waxaana si joogta ah loola xiriirinayay Premier League.
Manchester United ayaa la sheegay inay tahay naadigii ugu danbeysay ee xilli ciyaareedkii lasoo dhaafay lagu xanto, inkastoo haatan ay u muuqato inay Arsenal xiiseyneyso inay 22 sanno jirkan ku darsato kooxdeeda koowaad xagaagaan.
Si kastaba ha ahaatee, sida laga soo xigtay The Mirror, Celtic ayaan diyaar u aheyn inay aqbalaan wax ka yar £ 25milyan, taasoo ah lacagta laga yaabo inay ka hor istaagto heshiiska dhameystirkiisa.
Arsenal ayaa la sheegay inay leedahay miisaaniyad xaddidan, iyadoo lacagta Tierney ay qaadan doonto inta badan kharashka Unai Emery loo siiyay suuqa.
Gunners ayaa isku dayeysa inay u adeegsato Carl Jenkinson heshiis kasta oo Tierney ah.