Radio Himilo
Himilo – Daafaca FC Emmen, Jeff Hardeveld ayaa xiriir jacayl la yeeshay garsoore Shona Shukrula oo u dhalatay dalka Holland. Todobaadkan ayey xiriirkooda jacayl ku shaaciyeen baraha bulshada.
Xiriirka jacayl ayaa ka billowday markii daafaca uu kaarka casaanka ah qaatay kulan ay kooxdiisa ciyaareysay horyaalka heerka 2aad, Bishii August ee sanadkii 2021.
Shukrula ayaa ahayd sarkaalka afaraad ee Ciyaarta markoi uu hardesveld qaadanayay kaarka Cas,waxaa la xaqiijiyay in wadahadal kooban oo dhex maray uu u diga rogtay xiriir jacayl sanad kaddib dagaalkii ay isku barteen.
Sawirro laga qaaday ayaa muujinayay lamaanaha oo ku faraxsa nolosha cusub ee u billaabatay.
Dadka mucaashaqiinya ciyaaraha ah ee adeegsada baraha bulshada ayaa aad u hadal haya sheekadan.
Shukrula oo 30 jir ah ayaa shahaaddada garsoorenimo ee sarkaalka 4aad ee FIFA qaadatay 2017kii,waxaana ay ciyaaraha heerka 2aad ee Holland ka tahay sarkaalka 4aad.
Haweenka Garsoorayaasha Kubadda Cagta ah ayaa sanadihii la soo dhaafay ku badanayay Ciyaaraha.
Xiriirka Kubadda Cagta Adduunka ee FIFA ayaa koobka adduunka ee ka dhacaya Waddanka Qadar dhamaadka sanadkan garsoorayaasha ku daray tiro haween ah.
