Radio Himilo
Muqdisho – Laacibka Diego Costa ayaa dhanbaal dhiiri-gelineed u diray kooxdiisa Chelsea tiiyoo ay jirto xan hoose oo ah inuu ka dhaqaaqayo kooxda.
Laacibka Spain u dhashay ayaa laga tagay ciyaartii kooxdu la lahayd dhiggeeda Leicester City oo Chelsea ku marti-gelisay gurigeeda King Power Stadium.
Chelsea ayaa ka gaabsatay inay ka hadasho tibaaxda ku saabsan tegista Costa. Hayeeshe wararka ayaa sheegaya suura-galnimada ah in laacibkan wada-hadal kula jiro kooxda ka dhisan horyaalka Shiinaha ee Tianjin Quanjian taas oo ku dooneya adduun lacageed gaaraya 80 malyuun oo Gini.
Ka falcelinta wararka xanta ah, Costa ayaa bartiisa Instagram-ka ku muujiyay wadajirnimadiisa madaxda Chelsea.
Dhigista sawir isaga iyo Pedro oo u dabaal-degaya ciyaar ay la yeesheen Tottenham, wuxuu ku dul qoray Come on Chelsea!
Faallooyinka xigay kadib dhigista sawirka bartiisa Instagram-ka ayaa noqday kuwo u badan codsiyo kaga imaanayay taageerayaasha naadiga oo ka dalbanayay inuu ku nagaado gegida Stampford Bridge.
Costa ayaa 14 gool ku hoggaaminaya kala horreynta gool-dhalinta horyaalka England PL
