Radio Himilo
Himilo – Weeraryahanka Juventus Cristiano Ronaldo ayaa oggolaaday in uu ku biiro kooxda Inter Miami xagaaga soo socda.
Cayaaryahanka 35 jirka ah oo dhaliyay 21 gool oo Serie A ah ayaa qandaraaskiisa Juventus ku egyahay dhammaadka xilli cayaareedka 2021-2022.
Kooxda heysata horyaalka Talyaaniga ayaa la rumeysan yahay inay dooneyso kordhinta qandaraaska weeraryahanka muddo labo sanno oo dheeraad ah. Sida laga soo xigtay Don Balon, Ronaldo ayaa doorbiddaya u dhaqaaqista MLS.
Warbixinnada ayaa intaa raacinaya in laacibka ku guuleystay abaal-marinta Ballon d’Or muddo shan jeer ah uu heshiis la gaaray madaxweynaha Inter Miami David Beckham isaga oo u wareegaya Waqooyiga Ameerika haddii Juventus ku guuldareysato hanashada Champions League-ga sannadka xiga.
Ronaldo ayaa dhaliyay 626 gool 838 kulan oo xirfaddiisa ah.
