Radio Himilo
Himilo – Kabtanka Al-Nassr Cristiano Ronaldo ayaa la filayaa inuu doonayo inuu ka tago kooxda dhowr bilood ka dib markii uu qalinka ku duugay heshiis 200 milyan euro ah (£ 175.2m).
Xiddiga shanta jeer ku guuleystay Ballon d’Or ayaa Manchester United ka baxay markii uu waraysi xanaf uu siiyay saaxiibkiisa Piers Morgan.
Ronaldo qandaraaskiisa Manchester United waxaa lagu joojiyay ogolaansho labada dhinac ah ka hor Koobkii Adduunka ee Qatar.
Haatan, warbixin ka soo baxday El Nacional ayaa sheegaysa in Ronaldo uu durbaba aad ugu hanqal taagayo ka bixista kooxda reer Saudi Arabia, ka dib markii uu u arkay inay si weyn ugu adag tahay inuu la qabsado nolosha Sacuudiga.
Warbixinta ayaa intaa ku dartay in caqabada dhanka luqadda ah ay sidoo kale culeys ku noqoneyso ciyaaryahankii hore ee Real Madrid, kaasoo u hanqal taagaya inuu dib ugu laabto caasimada Spain isaga iyo saaxiibkiis Georgina Rodriguez.
Ronaldo ayaa sida muuqata ka codsaday madaxweynaha Real Florentino Perez inuu dib ugu soo celiyo Bernabeu si uu mar labaad ugu soo laabto kooxda, laakiin 76 jirkaan ayaa diiday codsigiisa, Carlo Ancelotti ayaana aqbalay.
