Dele Alli oo ku guuleystay abaalmarinta da’yarka sanadka horyaalka Ingiriiska

Qadka dhexe ee weerartama ee kooxda Tottenham Dele Alli ayaa loo magacaabay da’yarka xagaagan 2015/16 ugu wanaagsan horyaalka Ingiriiska.

20 jirkaan ayaa qaadanaya xagaagiisii u horeeyay ee Premier League kaddib markuu kasoo dhaqaaqay kooxda MK Dons oo uu kusoo biiray kooxda waqooyiga London ka dhisan.

10 gool ayuu xagaagan horyaalka ka dhaliyay, sagaal kalena caawin ayuu ka geystay, mana jiro xiddig kale oo kubad sameeye ah oo xagaagan sidaa sameeyay.

Abaalmarinta wuxuu ka dhaxlay saaxiibkiisa kooxda Harry Kane oo xagaagii hore hantay, sidoo kale 2012-2013 wiilkii hore ee Tottenham Gareth Bale ayaa u dabaal degay, iyadoo hogaamiyaha qaranka Saddexda Libaax Rooney uu labo goor hantay abaalmarintan.