Himilo – Weeraryahanka Borussia Dortmund ee Erling Haaland ayaa ku guuleystay Abaalmarinta Wiilka Dahabka sannadka 2020, kaddib markii uu saameyn loo riyaaqay kusoo bandhigay kooxdiisa iyo dalkiisa.
Haaland waxa uu jaa’isadan ku garaacay xiddigga isku kooxda yihiin ee Jadon Sancho, sidoo kale Ansu Fati, Alphonso Davies, iyo Mason Greenwood kuswaasi oo ugu danbeyn yimid liiska ugu danbeeya ee abaalmarintan.
Abaalmarinta Wiilka Dahabka waxaa aasaastay majaladda reer Italy ee Tuttosport iyada oo la guddoonsiiyo barbaarka ugu yar uguna fiican horyaalada qaaradda Yurub kuwaasi oo da’ahaan ka hooseeya 21- sanno.
Weerayahanka kooxda Borussia Dortmund ee Erling Haaland ayaa dhaliyay 44 gool dhammaan tartamada fasalka 2019-20.