Radio Himilo
Himilo- Xoggo ka soo baxay machadka tirakoobyada Yurub ee Eurostat ayaa muujiyay hoos u dhaca falalka dhaca guryaha ee dalalka midowga Yurub 24% intii u dhaxaysay 2011 illaa 2017.
Tirada falalka dhaca guryaha ee la diiwaan geliyay ayaa lagu sheegay 396 kun oo dhacdo, waxay ka timid tirada 522 kun dhacdo.
Marka la fiiriyo dalalka, Romania ayaa timid kaalinta ugu horreysa ee dalalka ugu yar falalka dhaca guryaha. Keliya 16 dhacdo ayaa la soo gaarsiiyay booliiska marka loo eego 100 kun qofood sannadkii 2017.
Estonia iyo Czech Republic ayaa sooo raacay kaalmaha xiga. Waxaa sidoo kale hoos u dhac la xiriira falalka dhaca guryaha ku faanaya dalalka Slovenia, Slovakia iyo Hungry.
Dhanka kale, falalka dhaca guryaha ee ugu badan waxaa laga soo wariyay Belgium, Faransiiska, Spain, England, Wales iyo Portugal.
