Radio Himilo
Samira Lupidi waa hooyo 24 jir ah oo u dhalatay dalka Talyaaniga, waxaanay maxkamadi ku xukuntay inay xabsiga ku qaadato 24 sanadood kaddib markii ay dishay carruurteedii.
Hooyadaan ayaa qilaaf ay dhexmareen seygeeda oo telefoon ay ku wada hadleen, Caradii ka dhalatay qilaafkaa waxay kala dul dhacday gabdhaheedii yaryaraa.
Jasmine Weaver oo hal sano iyo shan bilood jirtay iyo Evelyn Lupidi oo saddex jir ahayd ayay haweeneydan dishay bishii November, markii ay caro gelisay hadalkii xumaaday ee seygeeda dhexmaray.
Kolkii hore waxaa lagu xukumay xabsi madaxaa ku furay ah, hayeeshee markii danbe ayaa loo muujiyay naxariis oo da’deeda in la eg loogu simay.
Haweeneydaan ayaa cadaawad daran u qaaday qoyska ninka u dhaxa, waxayna go’aan ku gaartay inay xanuujiso seygeeda Carl Weaver.
Go’aankeeda ayaana dhaxalsiiyay labada carruurra oo ay isku hayeen inay disho, iyadoo maxkamadda u muujisay inaysan dooneyn inay carruurteeda disho hayeeshee ay u aragtay dilkooda in Aabahood uu xanuun badan ku dareemayo.
Garsoore Justice Edis oo ka tirsan maxkamadda Bradford Crown ayaa haweeneydan ku riday xukun ah xabsi daa’in, hayeeshee qareenkeeda racfaankii uu ka qaatay xukunka waxaa dhageystay xeerbeegti 12 ruux ka kooban oo iyana ugu danbeyn 90 daqiiqo oo dacwadda dhageysigeeda ah ku soo gebagabeeyay xukun 24 sano ah oo xabsiga ay ku qaadato Samira Lupidi.
