Radio Himilo
Waxaa si habsami la’ u soconaya koobka qaramada qaaradda Yurub oo lagu cayaarayo dalka Faransiiska oo taariikhda markii saddexaad marti gelinaya.
Waxaan eegi doonaa toban cayaaryahan oo tartankan ka qeybgalaya oo diiradda u saaran kooxaha ka cayaaraha horyaalka Ingiriiska ee Premier League.
1. Zlatan Ibrahimovic
Weeraryahanka qaranka Sweden Zlatan Ibrahimovic ayaa qarka u saaran ku biirista kooxda kubadda cagta Manchester United.
Inkastoo 34 jir uu yahay misna wuxuu doonayaa inuu ka cayaaro horyaalka Ingiriiska oo taariikhdiisa u dhiman.
2. Paul Pogba
23 jirkaan waa mid kamid ah xiddiga iminka qadka dhexe ka cayaara oo xirfadoodi ay tahay mid sare, muddooyin badan ayuu diiradda u saarnaa kooxda kubadda cata Chelsea.
Inkastoo xirfadiisa yaraanimo qeyb kamid ah uu ku qaatay gobolka Manchester, misna weli gobolkaa ayuu muhiim ka yahay, waxaana wada eeganaya kooxaha Manchester City iyo Manchester United oo uu u soo cayaaray.
3. Alvaro Morata
Waa wiil kale oo u cayaara kooxda kubadda cagta Juventus, waxaa loo saadaalinayaa inuu dib ugu laabanayo kooxdiisii hore ee Real Madrid, sidoo kale tartankiisa kooxda eplka ku jira ayaa qeyb ka ah.
Morata ayaa lagu tiriyaa inuu kamid yahay da’yarta xirfadda sare leh ee ka qeybta ah tartanka qaramada qaaradda Yurub, waxaana lala xiriirinayaa kooxaha Arsenal, Chelsea iyo Manchester United.
4. Leroy Sane
20 jirkaan ayaa ah kii ugu danbeeyay tiro da’yar ah oo Jarmalku soo saaro, horeba kooxo magacyo waa weyn ayaa lala xiriiriyay oo aan ka xusi karo Barcelona.
Manchester City ayaa wiilkan u dhow inay soo gebagabeyso saxiixiisa marka lasoo gebagabeeyo tartanka qaramada qaaradda Yurub.
5. Joao Mario
Mid kale oo mucjiso u dhigi kara qaranka Portugal ayaa ah soo ifbixidda Joao Mario, hayeeshee waxaa shuuqiyay saaxiibkiisa qaranka Renato Sanches.
Sanches ayaase meeleysmay oo u dhaqaaqay Bayern Munich, iminkase waxat joogtaa Mario oo dalabyo ka helay Chelsea, Manchester United iyo Liverpool oo wada doonaya 23 jirkaan.
6. Ricardo Rodriguez
Waa mid kamid ah da’yarta ugu wanaagsan ee reer Yurub daafaca uga cayaara, saaxiibkiisa qaranka Switzerland Granit Xhaka ayaana u dhaqaaqay kooxda Arsenal.
23 jirkaan Rodriguez oo boos joogto ah ka heysta kooxda Wolfsburg ayaa isna loo riixayaa dhanka kooxda Arsenal.
7. Andriy Yarmolenko
Inkastoo shaqo wacan uu u qabtay kooxda Dynamo Kiev iyo qaranka Ukraine, 26 jirkaan garabka ka cayaara waxaa lala xiriirinayaa kooxaha Arsenal, Chelsea, Liverpool iyo Everton.
8. Radja Nainggolan
Wiilkan qaranka Belgium iyo kooxda Roma metela ayaa muddo fogba diiradda u saaran kooxda Chelsea, macallin Atonio Conte ayaana daneynaya inuu soo gebagabeeyo saxiixa xiddigaan.
Chelsea ayaa qorsheyneysa saxiixa Nainggolan inay kusoo gebagabeyso £35million.
9. Leonardo Bonucci
Qaarawga daafaca uga cayaara kooxda Juventus iyo qaranka Azzuri ayaa ah wiil kale oo isha ay ku heyso kooxda Blues.
29 jirkaan ayaa sidoo kale muhiim u ah kooxda Manchester United oo xiiseyneysa.
10. Marcelo Brozovic
Xiddig kale oo mustaqbalkiisu aanu fadhin waa Marcelo Brozovic oo u cayaaraya qarankiisa Croatia isagoo haldoor u noqon kara dhowr kooxood oo Premier League ka cayaara.
Wiilka Inter Milan ayaana diiradda u saaran Chelsea iyo Arsenal, walow Everton qudheedu ay tartanka ku jirto.
