Radio Himilo
Kooxda kubadda cagta Jeenyo ayaa guul sare u qaaday hankeeda horyaalka ka gaartay kooxda Gaadiidka oo kulankii 12aad oo horyaalka Soomaaliya ay wada dheeleen.
Cabduqaadir Daandii ayaa shabaqa gaaray daqiiqaddii 21aad ee cayaarta si hogaanka 1-0 ay ugu qabato kooxda Jeenyo.
Sagaal daqiiqo kaddib Cabdicasiis Maxamed Catoosh ayaa hogaanka kooxdiisa u dheereeyay oo dhaliyay goolkii labaad ee Jeenyo.
Cayaarta qeybteedii koowaad waxaa lagu kala nastay Gaadiidka oo labo gool kulanka looga hogaaminayo.
Qeybtii labaad waxay dadaal u gashay kooxda Gaadiidka in goolasha ay iska soo guddo oo cayaarta ku soo laabato.
Daqiiqaddii 87aad waxaa yimid goolkii calanka oo Gaadiidka uu shabaqa u dhex dhigay Keynaan Saciid Maxmud (ke key), cayaarta ayaa ku soo idlaatay 2-1 oo guushu ay ku raacday Jeenyo.
