Radio Himilo
Himilo – Tababaraha reer Portugal ee Jose Mourinho haddana maamula Kooxda Roma ee Waddanka Talyaaniga ayaa la sheegayaa in uu ku wajahanyahay Horyaalka League 1ka Frnace.
Madaxda PSG ayaa quudarreynaya in ay ceyriyaan Mauricio Pochettino, ka horse waxaa ay doonayaan in ay helaan macalin saameyn leh oo wax ka beddeli kara Kooxda Reer France.
Jose ayaa qandaraaskiisa Roma waxaa ka dhiman laba sano oo dheeraad ah, waxaaa suuragal ah in uu aqbalo dalabka uga imanaya kooxda France ka ciyaarta ee PSG.
Waxaa uu noqday tababarihii ugu horreeyay eek u guuleystay Europe Conference League oo uu Roma u qaaday sanadkan taas oo aan in ku dhow afartan sano qaadin koob heer qaaradeed ah.
Roma ayaa rajeyneysa in ay ku dhagto jose,waase Nin go’aan adag marka loo eego tababarayaasha kale ee leyliya kooxaha qaaradda Europe.
Waxaa uu dhowr jeer tababare ka noqday Horyaalka Ingiriiska oo uu maamulay Kooxaha Chelsea, Man United iyo Tottenhan, Talyaaniga waa markiisii 2aad waxaana uu 2010 Champions league u qaaday kooxda Inter Milan, halka Real Madridoo Spain ka ciyaartana uu soo maamulay.
Haddii ay dhacdo in uu ku biiro PSG waxa ay ka dhigantahay in uu maamulay afar ka mid ah 5ta horyaal ee loogu daawashada badan yahay qaaradda Europe.
