Radio Himilo
Kooxda kubadda koleyga Dekkeda ayay u suurto gashay inay qeybta koowaad ee horyaalka ku macsalaameyso guul iyadoo xaqiiqsatay inay dhulka dhigtay kooxdii ku soo xigtay dhanka kala horeynta ee horseed.
Dekkeda ayaana toddobo jeesto ku garaacday dhigeeda Horseed kulankii galabta ka dhacay gegada Wiish ee degmada Cabdi Casiis.
Cayaarta ayaa ku dhamaatay 52-38 oo loogu awood sheegtay kooxda booska afaraad horseed.
Cabdirisaaq Axmed Dable “Mandela” oo lanbarka 11aad u xirta kooxda Dekedda ayuuna ahaa laacibkii garoonka.
Axmed Maxamed Muqtaar iyo Zakariye Macallin Nuur ayaa cayaartan dhexdhexaadiyaal ka ahaa.
Dekedda ayaana guul ku soo xirtay kulankeedii u danbeeyay qeybta koowaad ee horyaalka halka Horseedna jab ay ku macsalaameeyeen qeybta koowaad ee horyaalka kubadda koleyga Soomaaliya.
