Himilo – Satyendra Mahjhi wuxuu helayaa maalmahan ammaan iyo bogaadin dadweynaha uga imaaneysa kaddib markii uu u guntaday dhowrida degaankiisa.
Mr. Manjhi wuxuu ku guuleystay inuu qiyaastii 10,000 oo geed uu ku beero hareeraha webiga Phalgu ku yaala gobolka Bihar ee dalka India kaas oo aan horey u lahayn dhir manaafacaad leh.
Hawshan miro dhashay Safyendra waxay ku qaadatay inuu dhammeeyo 15 sano. Wuxuu sheegay inuu niyad u helay mashruucan kadib markii degaankiisa uu soo booqday Dashrath Manjhin oo horey waddo ku qaadatay 22 sano buur uga dhex bixiyay.
“Dashrath Manjhi wuxuu ii sheegay inaan dhir ku beer halkan. xilligaas, waxay ahayd goob aan laheyn geedo, keliya meel walba carro ayaa taallay.” Mr. Manjhi ayaa sidaas u sheegay mareegta ANI.
Caqabada ka hor yimid intii uu hawsha waday ayuu sheegay inay badnaayeen wuxuu ka xusay in biyaha uu ku waraabinayay geedaha uu ku soo dhaamin jiray dheri.
