Radio Himilo
Himilo – Leicester City ayaa ku biirtay kooxo badan oo xiiso u muujinaya garabka kooxda Sassuolo ee Domenico Berardi.
Toddoba iyo toban gool iyo sideed caawin 30 kulan oo uu saftay Serie A oo uu u ciyaaray Sassuolo xilli ciyaareedkii hore waxa uu Berardi ku helay booska Roberto Mancini ee xulka Italy ee Euro 2020, halkaasoo uu si qurux badan ugu soo bilaawday tartankiisii ugu horreeyay ee caalami ah.
26 jirkaan ayaa ku soo bilaawday dhamaan kulamada Italy marka laga reebo mid ka mid ah ciyaarihii xagaagan, ka dib markii la nasiyey kulankoodii ugu dambeeyay ee wareega group-yada la ciyaarayeen Wales, waxaana uu caawiye ka ahaa labo gool ilaa iyo intii Azzurri ay u gudubtay wareega quarter-finalka.
Sida laga soo xigtay Leicester Mercury, Brendan Rodgers ayaa raadinaya inuu keensado xiddig garabka ka ciyaara xagaagan madaama uu haatan heysto kaliya Marc Albrighton iyo Harvey Barnes oo booskiisa ka ah.
Waxaa la rumeysan yahay in Sassuolo ay ku dalban doonto €40m (£ 34.3m) Berardi, Leicester ayaana ku qasban inay iska ilaaliso tartanka kaga aadan kooxo badan oo ay ka mid tahay Lazio.
Berardi wuxuu soo maray da ‘yarta kooxda Talyaaniga, tan iyo markii uu kulankiisii ugu horreeyay saftay 2012, wuxuu u gudbay 105 gool 291 kulan oo uu u saftay kooxda.
