Liverpool oo Thiago Alcantara keenaysa garoonka Anfield

Himilo – Liverpool ayaa dooneysa in cayaaryahanka khadka dhexe ee Bayern Munich keento garoonka Anfield inta lagu guda jiro suuq furanka xagaaga.

29 jirka Thiago Alcantara ayaa mar kale noqday cayaaryahan muhiim u ah kooxda Jarmalka ah xilli cayaareedkan isaga oo ka soo muuqday 36 kulan oo ah dhammaan tartamada oo idil. Qandaraaska laacibka reer Spain ee Allianz Arena ayaa dhacaya bisha June ee soo socota.

Warbixinno dhawaan soo baxay ayaa muujiyay in Liverpool ay wadahadallo la yeelatay Bayern si ay ula soo wareegto Thiago Alcantara.

Sida laga soo xigtay Sport, kooxda heysta horyaalka Yurub ayaa rukuntay boos ay kula wareegi karaan cayaaryahanka qaranka Spain.

Bayern aya la soo warinayaa inay cayaaryahanka ku dooneyso adduun dhan €35m (£31.6m).