Radio Himilo
Himilo- Daafaca Real Madrid Marcelo ayaa xaqiijiyay in ay la soo xiriireen kooxaha Talyaaniga xagaagan oo ku saabsan suurtogalnimada uu ugu dhaqaaqi karo.
Xiddiga reer Brazil ayaa si xoogan loola xiriirinayay inuu dib ula midoobayo xiddigii hore ee Los Blancos Cristiano Ronaldo oo jooga Juventus, ka dib markii uu boos ka waayay macalinkii hore ee Santiago Solari xilli ciyaareedkii 2018-19.
Si kastaba soo laabashadii Zinedine Zidane ee bishii March ayaa 31 jirkaan dib loogu soo celiyay inuu yahay dooqa koowaad ee bidix.
“Waxaa ii soo dhawaaday kooxo Talyaani ah oo ku saabsan inaan u dhaqaaqo” , ayuu u sheegay waraysi uu siiyay wargayska Gazzetta dello Sport.
Si kastaba ha noqotee waxay ahaayeen xan kaliya.
Runta ayaa ah inaan jeclahay Real Madrid, waa gurigeyga iyo kooxda ugu fiican adduunka.
“Madaxayga weligey kuma jirin fikrad ah inaan xiran doono maaliyada Juventus, waxaa iga go’an Real Madrid.”
Marcelo ayaa bilaaban doona xilli ciyaareedka 2019-20 xilli uu yahay xilli ciyaareedkiisii 14aad oo isku xiga oo uu ka ciyaaro Santiago Bernabeu, iyadoo qandaraaskiisu uu dhacayo ilaa 2022.
