Radio Himilo
Himilo –Kylian Mbappe ayaan wax muhiimad ah ka lahayn inuu qandaraas cusub u saxiixo PSG, waxaana laga yaabaa inuu qaato mushaar dhimis si uu ugu biiro Real Madrid.
Kylian Mbappe ayaa lagu soo waramayaa inuu u caddeeyay Paris Saint-Germain in mustaqbalkiisa dheer uu yaallo meel kale.
20 jirkan ayaa labo xilli ciyaareed ku qaatay PSG, waxaana qandaraaskiisa haatan uusan dhammaaneyn illaa iyo 2022-ka.
Real Madrid ayaa muddo dheer xiiseyneysay xiddiga reer France, waxaana ay isku dayayaan inay sii wadaan doonistooda.
Mbappe waa mid ka mid ah xiddigaha ugu fiican PSG, sida laga soo xigtay Marca, Real ayaa awoodi waysay inay kula tartamaan kooxda ka dhisan Paris mushaarkiisa.
Real ayaan u badneyn inay u dhaqaaqaan Mbappe xagaagan, iyagoo horay ugu kharashgareeyay lacag badan Eden Hazard oo ka yimid Chelsea.
Mbappe ayaa dhaliyay 33 gool waxaana uu u caawiyay toddobo gool 29 kulan oo horyaalka Ligue 1 ah xilli ciyaareedkii hore.
