Radio Himilo
Muqdisho – Kooxda Monaco ayaa ceyrisay macallinka Leonardo Jardim iyadoo kooxda kaalinta Seddexaad kaga jirta halka ugu hoosayaysa Ligue 1.
Arintaan ayaana waddada u furaysa in Thierry Henry u noqdo tababaraha xiga ee kooxda Faransiiska kaddib markii dhawaan weeraryahankaan hore lala xiriirinayay kooxda.
Xiddigii hore ee Faransiiska iyo Arsenal, Thierry Henry, oo 41 jir ah, ayaa xirfaddiisa ciyaareed ka bilaabay Monaco wuxuuna ka caawiyay inay ku guuleystaan Ligue 1 1997.
Tababaraha reer Portugal Jardim ayaa loo magacaabay 2014 waxaana uu kooxda u horseeday in ay hantiyaan horyaalka Faransiiska sannadkii 2017, markii ugu horeysay tan iyo 2000.
44 jirkaan ayaa sidoo kale Monaco ku hogaamiyay Semi-finalka Champions League xilli ciyaareedkii 2016-17, waxaana uu gacan ka geystay horumarinta ciyaartoyda sida Kylyan Mbappe, oo haatan ku sugan Paris St-Germain.
Jardim ayaa yiri: “Waan ku faraxsanahay inaan ahaado tababaraha Monaco mudo ka badan afar sano, mar walbana si wanaagsan ayuu iigu shaqeeyey, waxaan ku shaqeynay dabacsanaan. hayso xusuustaas. ”
Guddoomiye kuxigeenka Monaco Vadim Vasilyev ayaa yiri : “Waxaan doonayaa inaan u mahadceliyo Leonardo oo aan ixtiraam weyn u hayo shaqadiisa oo dhan.
