Radio Himilo
Himilo – Paulo Dybala ayaa laga yaabaa inuu ka tago Juventus xagaaga, wararka ka imanaya Italy ayaa sheegaya in Old Lady ay ka fiirsaneyso heshiisyo isdhaafsi ah oo ay ku lug leeyihiin Barcelona, Real Madrid iyo kooxaha waa weyn ee Premier League.
Dybala wuxuu arki doonaa qandaraaskiisa oo dhacaya June 2022. Wuu diiday qandaraas kordhinta xagaagii hore wakiilkiisuna wuxuu joogaa Argentina, wuxuuna sugayaa soo jeedin cusub.
Labada wargeys ee La Gazzetta dello Sport iyo Tuttosport ayaa werinaya in Juventus ay ka fiirsaneyso ka mid noqoshada xiddiga reer Argentine heshiisyada ay kula wareegayaan kooxaha waaweyn ee Yurub sida Barcelona, Real Madrid iyo kooxaha Premier League.
Tuttosport ayaa warinaysa in Juventus ay La Joya ku badali karto midkood Isco oo Real Madrid ah ama Ousmane Dembele oo Barcelona ka mida.
Xidiga PSG Mauro Icardi ayaa wali ku jira qaab ciyaareedka waana la mid Joao Felix oo Atletico Madrid ah, xidiga Manchester United Paul Pogba iyo kan Manchester City Gabriel Jesus.
Sida laga soo xigtay La Gazzetta dello Sport, Tottenham iyo Liverpool ayaa sidoo kale laga yaabaa inay ku biiraan tartanka loogu jiro saxiixa 27 jirkaan oo Juventus ugu soo biiray heshiis 40 milyan ginni ah oo uu kaga soo tagay Palermo sanadkii 2015.
