Radio Himilo
Himilo – Khadkii dhexe ee kooxda Manchester United Owen Hargreaves ayaa la barbardhigay Bruno Fernandes kubad sameeyaha Man City Kevin De Bruyne.
Fernandes ayaa saameyn ku reebay Manchester United tan iyo markii uu kaga soo biiray Sporting Lisbon, isaga oo dhaliyay seddex gool islamarkaana abuuray afar caawin 9 kulan oo ah dhammaan tartamada.
Isaga oo hadlayay kaddib cayaartii Europa League ee Man United kaga hortimid LASK, Hargreaves ayaa u sheegay BT Sport in mar kasta oo uu kubadda helo uu macno sameynayo.
Owen Hargreaves oo hadalka sii qaatay ayaa intaa ku daray “Sida De Bruyne, waxa uu ku cayaarayaa xawaarihiisa, ma deg deg badna, qof kasta oo kooxda ah ayuu siiyay caawin.”
De Bruyne oo loo arko mid kamid ah khad dhexayaasha ugu wanaagsan caalamka ayaa si toos ah ugu lug yeeshay 29 gool 35 kulan oo xilli cayaareedkan ah.
