Radio Himilo
Muqdisho – Paris Saint-Germain ayaa hogaamineysa tartanka loogu jiro saxiixa xiddiga naadiga Arsenal ee Alexis Sanchez kaas oo la rumeysanyahay in uu kooxdiisa ka dhaqaaqi karo bisha Janaayo, PSG kooxda ugu weyn oo ay tartan kala kulmeyso ayaana ah Manchester City, sida ay ku warameyso The Mirror.
Heshiiska haatan laacibkan reer Chile uu ku joogo Arsenal ayaa dhaca dhamaadka xilli ciyaareedkan, PSG ayaana la rumeysan yahay inay rajeyneyso helidda qandaraas cusub ka dib markii ay bateen wararka shegaya in Neymar uu u dhaqaaqi doono kooxda Real Madrid xagaaga soo aadan.
Man City iyo Bayern Munich ayaa weli xiiseynaya inay la soo wareegaan Alexis, inkastoo PSG ay tahay kooxda hadda ugu cad cad.
