Radio Himilo
Real Madrid ayaa indhaha ku heysa inay dhammaadka xagaaga u dhaqaaqdo saxiixa kubbad sameeyaha Manchester United, Ander Herrera.
Inkastoo la rumeysnaa in Real Madrid ugaarsiga ugu weyn oo xagaaga soo aadan ay sameyn doonto uu yahay soo xero gelinta Paul Pogba, misna wararka ka imaanaya Spain ayaa tilmaamaya in macallin Zidane uu quuddareynayo saxiixa kubbad sameeyahaan aan booska joogtada ah heysan.
Fichajes ayaa ku warameysa in kooxda Bernabue ka dhisan ay u garatay Herrera inuu yahay mid ay kaga maarmi karaan kubbad sameeyaha reer Faransa Pogba.
26 jirka Spain u dhashay, Herrera ayaa la aaminsan yahay inuu raadsan doono koox kale haddii United ay awoodi weyso inay u soo baxdo Champions League.
