Radio Himilo
Himilo FM –Kooxda Real Madrid ayaa soo bandhigtay xiisha ay u qabto weeraryahanka Benfica Luka Jovic.
Karim Benzema ayaa haatan ah weeraryahanka koowaad ee weerarka ka ciyaara ee garoonka Bernabeu, laakiin xiddiga reer France ayay haatan da’diisu tahay 31 jir, Real ayaana u baahan weeraryahan mustaqbal ku lahaan karo kooxda sannadaha soo aadan.
Xiddiga Tottenham Hotspur Harry Kane ayaa ahaa dooqa koowaad ee weerarka kooxda laakiin sida laga soo xigtay jariiradda Marca, Real ayaa u weecatay Jovic.
Jovic ayaa haatan qandaraas kula jira Benfica, laakiin 21 jirkan ayaa 18-kii billood ee lasoo dhaafay waxa uu ku kharasha gareeyay u ciyaarista kooxda Eintracht Frankfurt.
Laacibkan u dhashay dalka Serbia ayaa 21 gool dhaliyay 39 kulan oo uu ciyaaray tan iyo markii uu billowday xilli ciyaareedkii hore.
