Himilo Milkiilaha kooxda Chelsea ee Roman Abramovich ayaa xaqiijiyay wararka sheegaya inuu qorsheynayo inuu iibiyo kooxda Premier League ka dhisan sida ugu dhaqsiyaha badan.
Go’aankiisa ayaa yimid ka dib markii uu Ruushku galay Ukraine Khamiistii hore, waxa la isla dhex marayey in Abramovich lagu soo rogi doono cunaqabatayn adag oo hantidiisa lagu xannibayo.
Si kastaba ha ahaatee, Sabtidii, Abramovich ayaa ku dhawaaqay inuu ka tanaasulay maamulida kooxda, inkastoo Blues ay ku adkeysatay xilligaas inaysan iib ahayn.
Abramovich ayaa xaqiijiyay inuu qorsheynayo inuu soo afjaro ku dhawaad 20 sano oo uu joogay Stamford Bridge. Dadka lala xiriirinayo inay gataan waxaa ka mid ah bilyineerka Hansjorg Wyss.
