Radio Himilo
Himilo – Sida laga soo xigtay La Gazzetta dello Sport, Real Madrid, PSG, Manchester City iyo Borussia Dortmund ayaa Sassuolo kala xiriiray Manuel Locatelli halka Juventus ay maanta ku dalban doonto 30 milyan oo euro oo lagu daray Radu Dragusin.
Locatelli oo 23 jir ah waxaa loo arkaa mid ka mid ah rajooyinka ugu xiisaha badan ee Talyaaniga. Waxa uu dhaliyay labo gool Euros, waxaana la filayaa inuu ka tago Sassuolo xagaaga.
Neroverdi ayaa ku qiimeeya € 40m sida ay sheegayaan warbixino dhowr ah, agaasimaha guud ee kooxda Giovanni Carnevali ayaa maanta la kulmi doona agaasimaha isboortiga kooxda Juventus Federico Cherubini.
La Gazzetta dello Sport ayaa qortay in Juventus ay ku dalban doonto 30 milyan oo euro oo lagu daray Radu Dragusin, oo ah 19 jir daafaca dhexe ah oo xilli ciyaareedkii hore saftay Serie A iyo Champions League markii ugu horeysay ee Andrea Pirlo.
Si kastaba, Sassuolo waxay ku qiimeysaa Dragusin inta u dhaxeysa € 7m ilaa € 8m, waana waxyar ka yar qiimaha Juventus ee ah € 10m.
Marwada duqda ah ayaa buuxin karta farqiga u dhexeeya iyada oo ku darsatay xoogaa lacag ah dalabkooda, ama ay ku darto xiddig kale heshiiska.
Kooxda Sassuolo ayaa lagu soo waramayaa in ayna ku deg degin heshiis maadama kooxo waaweyn sida Real Madrid, PSG, Man City iyo Borussia Dortmund ay durba xiiso u muujiyeen 23 jirka
Locatelli ayaa sidoo kale ku wargaliyay kooxdiisa inuusan dooneynin inuu kala hadlo arrimaha suuqa kala iibsiga inta lagu jiro Euros isla markaana uu tixgelin doono kaliya mustaqbalkiisa dhamaadka tartanka.
Waqtigan xaadirka ah, Juventus waxay sii wadaa inay riixdo si ay u xaqiijiso adeegyadiisa.
