Radio Himilo
Himilo – Julio Mora iyo Waldramina Quinteros ayaa muddo dheer wada ahaa lamaane wada nool marka loo eego dadka kale marka laga hadlayo xagga nolosha.
Da’diisu waa 110 halka iyaduna tahay 104 sanno waxaana lagu daray keydka dhacdooyinka dunida ee Guinness World Record kaddib markii loo diiwaan geliyay in ay yihiin lamaanihii ugu weynaa ee is guursada.
Mr Mora ayaa dhashay 10 March 1910 halka marwadiisa Quinteros iyaduna dhalatay 16 October 1915, marka la isku daro da’da lamaanahan u dhashay Ecuador ayaa ka dhigaysa in ay wada noolaayeen 215 sanno. Lamaanuhu waxay markoodii ugu horreysay is guursadeen sannadkii 1941-kii.
“Marnaba isma aan furin, xittaa ma aysan jirin wax intaa lamid ah, Innagu kama fikirin wax ku saabsan arrinkaasi;” ayay tiri Quinteros.
Labaduba waxay ahaayeen barayaal goor sii horreysay ka fariistay shaqadooda, waxayna hadda ku nool yihiin caasimadda Ecuador ee Quito.
Horey rikoorkan waxaa u heystay Charlotte iyo John Henderson, kuwaasi oo dib isu guursaday iyaga oo da’doodu tahay isku dar 212 sanno iyo 52 maalmood.
