Radio Himilo
Himilo FM –Tottenham Hotspur ayaa lagu soo waramayaa inay diyaar u tahay inay si rasmi ah ula soo wareegto garabka Benfica Jota.
Mauricio Pochettino ayaa keliya hal ciyaaryahan ku soo daray kooxdiisa koowaad seddexdii sanno ee ugu danbeysay suuqa kala iibsiga laakiin ninka reer Argentine ayaa la rajeynayaa inuu ciyaaryahano dhowr ah keeno billaha soo socda.
Sida laga soo xigtay Record, kooxda ka dhisan waqooyiga London ayaa haatan ka fekereysa inay bixiso 30 milyan oo Euro oo u dhiganta (26.34 milyan ginni) oo 20 jirka Jota qandaraaskiisa lagu burburin karo .
Pochettino ayaa la sheegay in uu leeyahay miisaaniyad xaddidan oo uu isticmaalo inta lagu jiro xagaaga, taasoo la micno ah in Spurs ay isku dayi karto inay ka gorgortanto qiimo hooseeya.
Laacibka ka soo baxay akadeemiyadda naadiga ayaa 47 kulan u saftay Benfica B sagaal gool ayuu dhaliyay siddeedna waa uu caawiyay laakiin 5 kulan keliya ayuu u saftay kooxda koowaad xilli ciyaareedkan.
