Himilo – Fiorentina ayaa lagu warramayaa in weeraryahanka Manchester United Cristiano Ronaldo uu yahay bartilmaameedka macquulka ah ee suuqa kala iibsiga.
Todobaad ka hor koobka adduunka ayaa la ogaaday in Ronaldo uu wareysi dhinacyo badan taabanaya la yeeshay Piers Morgan, isagoo u adeegsaday inuu weerar afka ah ku qaado kooxdiisa.
Tababaraha madaxa Erik ten Hag, Qoyska Glazer, iyo ciyaartoy hore ayaa ka mid ahaa kuwa dhaleeceyn adag kala kulmay xiddiga reer Portugal.
Tan iyo markaas, United ayaa ka fiirsaneysa sida looga jawaabo xaaladda, waxaa la fahansan yahay inay suuragal tahay inay kooxaha waa weyn ee Yurub ay ka weecan karaan Ronaldo.
Warbixin dhawaan soo baxday ayaa lagu sheegay in Ronaldo uu jeclaan lahaa inuu dib ugu laabto Real Madrid, laakiin Los Blancos ayaa la sheegayaa inay ka soo horjeedo doonistaas.
Taa beddelkeeda, sida laga soo xigtay Calciomercato, Fiorentina ayaa diyaar u ah inay Ronaldo u soo bandhigto waddo uu dib ugu laabto Serie A, halkaasoo uu hore ugu soo ciyaaray Juventus.
