Radio Himilo
Himilo – Mareeg caafimaadka ka talo bixisa waxay raadineysaa hawladeeno ay lacag ku siineyso inay u hurdaan iyagoo qaadan doona mushaar dhan $2,000.
Shaqadan oo socod doonta shan cisho shaqaalaha nasiibka u yeesha waxay shan habeen seexan doonaan shan meel oo degaan ahaan kala duwan.
Ujeedka hawshan loo qabanayo waa in la ogaado macluumaad ku saabsan waxyaabaha saameynta ku leh hagaagsanaan hurdada qofka ee bey’ada ku hareereysan ka yimaada.
“Haddii lagu qaato, waxaan kuu direynaa habeen walba meel cusub, oo ay ku jiraan dabaqyo ku yaalla xeebaha dal-xiiska. Dhammaan qarashkana waa lagaa bixin.” Qoraalka mareegta ay soo saartay ayaa sidaas lagu yiri
Masuuliyadda qofka shaqadan qabanaya waxay noqoneysaa, inuu si fiican u qeexo meelaha kala duwan ee la seexiyo isagoo darajo qiimeyn ah gaar ah siinaya goob kasta.
Dadka doonaya shaqadan waxay u codsan karaan hab online ah , qabashada araajida waxay ku eg tahay 30 March.
