Himilo – War rasmi ah oo kasoo baxay Isbitaalka Federico II ee magaalada Naples ayaa lagu beeniyay in weeraryahanka kooxda Napoli ee Victor Osimhen uu Talyaani keenay nooc cusub oo COVID ah markii uu kasoo laabtay Africa.
Osimhen ayaa laga helay COVID bilowgii Janaayo, markii uu ku laabtay Naples oo ka yimid Nigeria halkaas oo uu kaga soo qayb galay xaflad dhalasho isaga oo aan xidhnayn maaskaro ilaaliya.
Regione Campania ayaa laga sheegay horaantii todobaadkan nooc cusub oo ah COVID oo lagu arkay “xirfadle ka soo laabtay Afrika.”
Xirfadle ka soo laabtay safar uu ku tagay Africa ayaa laga helay COVID19 waxaana mahad iska leh wada shaqeynta sheybaarada Federico II iyo Isbitaalka Pascale, Giuseppe Portella oo ka tirsan Federico II ayaa caddeeyay kiis aad looga shakisan yahay waqti aad u yarna kooxda Nicola Normanno ayaa ogaatay nooc ‘COVID-19’ ah oo aan waligiis laga helin Talyaaniga illaa iyo hadda, “ayaa lagu yiri bayaanka.
Sida laga soo xigtay Il Napolista, xirfadlaha lagu xusay bayaanka waa Victor Osimhen, laakiin Federico II ayaa beenisay warbixinta.
Afhayeen u hadlay Napoli ayaa u sheegay ANSA “Ciyaaryahan kasta oo ka tirsan Napoli waxaa lagu sameeyay baaritaanno ka dib markii Osimhen laga helay cudurka, isagoo caddeeyay inuusan jirin ciyaaryahan kale oo cudurka qaba. Naadigu wuxuu ka sugayaa war rasmi ah saraakiisha caafimaadka xaqiiqda ah in Osimhen laga yaabo inuu hayo noocyada kale. ”
