Radio Himilo
Barcelona ayaa soo booqatay gegada Vicent Calderon iyadoo wadatay guul 2-1 ah oo lugtii koowaad oo Champions League ay toddobaadkii tegay kusoo gaartay gegadeeda Camp Nou.
Cayaarta inta aanay bilaaban, waxaa badi loo saadaalinayay in Barcelona ay noqon doonto kooxda wareegan kasoo gudbeysa.
Antoine Griezmann ayaa hogaanka u dhiibay kooxda caasimaddda loogu soo martiyay daqiiqaddii 36aad, goolka uu dhaliyay ayaana ahaa farqiga labada kooxood waxa sameeyay qeybtii koowaad oo cayaarta.
Daqiiqaddii 88aad, markale laacibka reer Faransa ayaa shabaqa gool labaad dhex dhigay markuu tuurtay gool ku laad si ay afarta kooxood oo Champions League isugu soo haray uga mid noqdaan.
Sanaddii 2013-2014 sidaan oo kale wiilasha macallin Diego Simeone ayaa isla wareegan kooxda Barcelona ku reebay tartankan.
Lionel Messi, Neymar Jr. iyo Luis Suarez oo garoonka ku wada jiray ayaa wax qaban waayay, waana habeen kale oo dhibaato kooxdan ay soo gaartay, xilli labaddii kulan oo ugu danbeysay ay horyaalka guuldarrooyin kasoo gaareen.
Abaarta gool dhallineed ee Lionel Messi ayaana halkeedii kasii socota iyadoo xiddigu uu ku jiro waqtigiisii ugu xumaa muddo shan sanaddood ah.
