Radio Himilo
Himilo – Kooxda chelsea ayaa lagu soo waramayaa in ay isha ku hayso in ay u dhaqaaqdo saxiixa xiddiga khadka dhexe uga ciyaara kooxda Ajax ee Edson Alvarez.
24-sano jirkaan heerka caalami ee reer Mexico, kaasoo sidoo kale ka ciyaari kara daafaca dhexe, ayaa ku sugnaa Amsterdam tan iyo xagaagii 2019, markaasoo uu kaga yimid Club America adduun dhan £13.5m.
Thomas Tuchel ayaa dagaal ku wajihi doona saxiixiisa, iyadoo warbixinta lagu sheegay sida Leicester City iyo Crystal Palace ay sidoo kale daawanayay ninka Ajax intii lagu jiray ololahan.
Alvarez ayaa ilaa haatan saftay 17 kulan oo Eredivisie ah xilli ciyaareedkan isaga oo ka qayb qaatay 2 gool iyo hal caawin xilli Ajax ay doonayso in ay sii xajisato horyaalka Holland.
Andreas Christensen, Cesar Azpilicueta iyo Antonio Rudiger ayaa dhamaantood laga yaabaa inay kooxda ka tagaan bisha June sida ay wax u socdaan.
